Drejtori i Policisë së Kosovës për rajonin e Prizrenit, së bashku me komandantin e Policisë së Prizrenit, e vizituan Këshillin e Bashkësisë Islame të Prizrenit

admin 4 Mars, 2025

Drejtori i Policisë së Kosovës për rajonin e Prizrenit, z. Faton Alija së bashku me komandantin e Policisë së Prizrenit, z. Nexhdet Mrasori, e vizituan Këshillin e Bashkësisë Islame të Prizrenit.

Ata u mirëpritën nga kryetari i KBI-Prizren, Valon ef. Ibrahimi së bashku me kryeimamin Orhan ef. Bislimaj e sekretarin Faruk ef. Ukallo.

Drejtori Alija e uroi kryetarin Ibrahimi me rastin e ardhjes së Muajit të Ramazanit, duke i dëshiruar agjërim të lehtë të gjithë besimtarëve islamë.

Po ashtu, gjatë takimit u trajtua edhe rasti i mbrëmshëm, ku një person u pa në media duke dëmtuar Kur’anin Fisnik në rrugën e Saraçve në Prizren. Drejtori I Policisë, z. Faton Alija shprehu keqardhje për rastin dhe njëkohësisht se konfirmoi se personi në fjalë është identifikuar dhe tashmë është arrestuar.

Në emër të KBI-Prizren, kryetari Valon ef. Ibrahimi e falënderoi Drejtorin dhe Policinë e Kosovës për efikasitetin e treguar në këtë rast.

Këshilli i Bashkësisë Islame i Prizrenit shpreh indinjatën e thellë për aktin e dëmtimit të Kur’anit dhe kërkon nga organet kompetente që rastet e tilla, që nxitin urrejtje fetare, etnike, racore e kombëtare, të trajtohen me prioritet të veçantë.

Lini një Përgjigje Anuloje përgjigjen

Të ngjashme

Çdo amanet i juaji prej Zekatit, Sadakatu’l-Fitrit, Anëtarësisë apo bamirësive të tjera, do të arrijë në vendin e duhur

Filloi ndërtimi i Objektit për Shërbime Funerale në Zhur, Prizren

Në kuadër të vizitave nga Ekipi i Ramazanit të Kryesisë së BIRK-ut, sot, për namaz të xhumasë, në Prizren

Të ndryshme

Çdo amanet i juaji prej Zekatit, Sadakatu’l-Fitrit, Anëtarësisë apo bamirësive të tjera, do të arrijë në vendin e duhur

Filloi ndërtimi i Objektit për Shërbime Funerale në Zhur, Prizren

Në kuadër të vizitave nga Ekipi i Ramazanit të Kryesisë së BIRK-ut, sot, për namaz të xhumasë, në Prizren

Kryetari i Këshillit të Bashkësisë Islame në Prizren, Valon ef. Ibrahimi, priti në takim mysafirët nga Bosnja